Qeexida Erayga Jacayl.
Abwaan la weydiiyay jacaylka maxaad ku tafsiiri lahayd, inkastoo hore loo yidhi"jacaylka marka la jilo ayaa laga fahmi og yahay in la qeexo". haddana abwaankaasi wuxuu ku macneeyey sidan:
- intuu waaxid uumiyo
- wax ku nool aduunyada
- wanaag iyo kalgacal iyo
- jacayl buu ku waaboo
- Dhexdoodii ka weeloo
- ku wanaajay noloshoo
- ku wadaajay dunidoo
- waa dareen rag iyo dumar
- isu weecinaayoo
- weheshigaa horseed u ah.
Tixdan aynu carrabka soo marinnay, waxay toos u cabbiraysaa in jacaylku yahay dareen isu-keena labo jinsi oo kala duwan: lab iyo dheddig, waana tiirka dunidani ku taagan tahay ilaa xaawa iyo Aadan.
Hees ayaa ahayd:
- Aadam iyo xawaa
- ololaha kalgacal
- illeen soo unkee
- Aadmiga kalana
- Ambaqaadyayoo
- Abtirsiimo noqay".
bal aynu milicsano u jeedooyinka gunta dheer ee ku duugan in xaawa feedh bidix looga dheego Nebi Aadan calayhi salaam.
1) feedha bidix waxay qafis u yihiin oo ay ilaaliyaan wadnaha si aanay dibadda waxyeelo uga soo gaadhin. iyaguna inay sidaa isku ilaaliyaan midba midka kale oo ay noqdaan dad isu tudha oo is dhawrta.
2) saableyda feedhuhu waa kuwo isku dhegan oo midba midda kale haysto, sidaasoo kale in bini-aadankuna noqdaan kuwo iskaashada nolosha oo kalgacal iyo xubbi dhexdooda ka abuurma.
sida la sheegay, seeska iyo saldhiga jacaylku wuxuu ku dhismaa isku-duubnaan,is-afgarsho, is-weheshi ,isu-huritaan,isu-dulqaadasho iyo is xurmeyn.
Dadka carbeed maxay ka yidhaahdeen jacaylka
kelmadda xubbi oo lafti ahaan ah eray carrabi ah ayaa waxay usoo gaabiyeen iyagoo soo qaadanaya labada xaraf ee shibbanaha ah ( x yo B), X=Qalbi, B=side.
markaa , waxay leeyihiin kelmada xubbi macneheedu waa qalbi wax sida, markay fal-safadeynayaana waxay yidhaahdaan jacaylku waa sida qalin-qoriga ( beensalka)oo qolofta sare ee qallinku waa qalbigii, dhuuxa ku jiraana waa jacaylkii. markaa haddii qalinkaasi hello sikiin afka llogu qoro dhuuxu wuu soo baxayaa, jacaylkuna waa sidaas oo kale.
Reer-galbeedku jacaylka maxay ka yiraahdeen
iyagoo lewh jacaylku waa shay qaali ah oo ku lammaan nolosha aadamaha , ayaa haddana waxay usoo gaabiyeen sidan:
L( lack of pleasure) O( ocean of sadness) V( valley of death) E( end of life). Erayadan oo ah af-ingiriisi waxaa laga soo gaabiyey kelmadda LOVE, oo ah jacayl, Erayadaas oo aF-soomali ahaan micnahoodu noqonayo, inagoo usoo qaadaneyna siday u kala horeeyaan: farxad la'aan, badda murugada, dooxada dhimashada, dhamaadka nolosha.
waxay kasoo qaaden in qof wax jeclaadaba uu iska dhiban yahay . in wax la jeclaadaa waa in nafta la dhibo sidaas miyaa?
haddaba fekerka reer-galbeedka iyo heesta uu qaado fanaanka maxamed cali ( Burco) ayaad mooddaa inay isla-jaan-qaadayaan.:
- meydhanaanka geeliyo
- sida dheyda caanaha
- looma dhamo jacaylkoo
- laguma dhaashto caashaqa
- Dhayal ha u maleynine
- Dhuuxiyo lafaha iyo
- waa wx dhiigga kaa jaqa
- caafimaadka kaa jara".
jacaylku, dhib iyo dheef labadaba wuu leeyahay, marna dacarta ka qaraar marna malabka ka macaan. waxaa taa inoo sharxysa heestan uu alifay abwaan maxamed cumar nidaamiye.
- "ma ogiye jacayl waa maxay?
- waa macaan amba qadhaadh
- kolba waa siduu kugu soo maree
- waa magaca cudur
- midka ugu xumee
- Dadku moogyihiin.
saymo iyo dhibaato joogto ah ayaa jacaylka loo mari jiray, waxaana dhici jirtay mararka qaar, raga iska daaye in dumarku siday u socdaan afka uga gali jireen libaax oo ahaa waxa keliya ee waqtigaa halista muuqata ahaa. isda la sheegay libaaxu waxa uu ahaa mid bixiyo magantiisa, isagoo ay astaan u ahay in uu jeenigiisa dhulka ku xariiqo saddex jeer. hee ay ku luuqayso caasha cige ayaa sawir buuxa inaga siinaysa libaaxa, iyo markaycidlo ku kulmaan gabadh uu caashaq haleelay.
- miigane libaaxow
- mudanaha dugaagoow
- inaad tahay maqaadiir
- iyo cadow masiibo ah
- marna aad shimbir u tahay
- maatida halowdoo
- wacadkaagu meelmaro
- muddo aan dhaweyn baan
- maqli warkaagee
- mataana haddaan ahay
- marti iyo amaaniyo
- magantaada aaryohw
0 Comments