Xikmad Jacayl

                  XIKMADAHA JACAYLKA KA BARO HOOYADAAN!!!

qof dumar ah oo da' weyn maraysa ayaa la weydiiyey "WAA MAXAY JACAYLKU?

waxay ku jawaabtay " markii ugu horeysay oo aan ereygaan maqlo waan yaraa, waxaan ka maqlay aabahay, oo inta i dhunkaday, igu yiri "waan ku jeclahay, markaas ayaa u bartay inuu jacaylku yahay " naxariis waalid iyo nabad iyo gogol diiran"

"markii aan qaangaar noqdayna waxaa warqad la iiga soo dusiyey albaabta hoostiisa, warqadaas oo uu iisoo diray wiil aan deris ahayn, cinwaankeedu ahaa "waan ku jeclahay" markaas ayaan is iri "jacaylku waa dhiiranaan iyo waalli"

markii uu isoo doonay wiilkii aan deriska ahayn, oo aan is baranay, kana wadahadalnay guurka iyo mustaqbalkeena, ayuu igu yiri "waan ku jeclahay" markaas ayaan ogaaday inuu jacaylku yahay himilo iyo howl iyo yool nololeed"

markii aan wiilkii is guursanay, oo aan aroosnay, ayuu wiilkii u dhunkaday oo igu yiri "waan ku jeclahay" markaas ayaan iri "jacaylku waa isu walaahow iyo isu xiisood"

sannad kadib, waxaan dhalay ilmihii ugu horeeyey, anigoo daal dareemaya iyo dhibkii dhalmada, ayuu gacanteyda i qabtay oo dhunkaday, kadibna igu yiri "waan ku jeclahay, markaas ayaan ogaaday inuu jacaylku yahay "isu mahadcelin, is qiimeyn, iyo xanaano iyo is danayn"

sannado badan kadib, markii ay timuhu i caddaadeen, oo caruurtii ay guursadeen ayuu maalin ninkeygu fiiriyey da'dayda, markaas ayuu dhoollacadeeyey, oo igu yiri "waan ku jeclahay" markaas ayaan ogaaday in jacaylku yahay naxariis iyo isu turid iyo xusuuso waayo"

markii aan gabownay oo aan waayo ka sheekeysano, ayuu seygeyga sharafta leh igu yiri " waan ku jeclahay" markaas ayaan ogaaday in jacaylku yahay oofin iyo run sheeg iyo isu beegtoomid.

tixraac Kitaabka سيكولوجية الحب أحمد عبده