Geedka canjeelka

                                            Geedka canjeelka.

Guud ahaan, canjeelku wuxuu kamid yahay, geedaha aadka u waaweyn, u miro badan, una harqabaw, wuxuuna ka baxaa toggaga iyo aroorada gobolka bari iyo gobolka sanaag.

Geedkani, wuxuu mireeyaa sanadkii hal-mar, xiliyada roobabka gu'ga iyo dayrtu aarmaan, wuxuuna bixiyaa ubax -udgoon oo shinidu malabka ugu macaan kasameyso.

labo billod kadib, ubaxa waxaa kasoo dhex baxa, miro yar-yar oo ( Gumuc) ah, marka ay gahayraan mirahaasi, labo bilood kadib, waxay isu-bedelaan ( Qardhe). qardhaha, waxaa ku dhex jirta laf la yiraahdo ( qurxub), oo duunyada calaf weyn u noqota, siiba Ariga, oo hadduu  irmaan yahay ku darara, shimbirihu, wey u kal tiriyaan, marka ay dulsaar yihiina wey ku codeeyaan, sida dadka oo kale.

                                         Heerarka miraha canjeelku maraan

• Hal-gelis, waxaa weeye , marka ay mid-mid u bislaadaan
• Hal-dhacsi,                              bisayl la dhacay
• Qardhe-tuujis                         Bisayl dhan.
• Digo-dhig                                Bisayl-gaarsiin
• Hooto-dhac                              Geedka ay ku bislaadaan ama dhuubaan

Geed-miroodyada la kaydinayo, waa la cusbeeya si waqtiga jiilaalka loogu baxsado, dadka miro-cunka ahi, waxay ku maahmahaan;

" miraba nin guraa 

magoolkooda leh,

 oo macneheedu yahay ninka miraha gurtaa baa kala yaqaan hal-sankooda".